Dizayner Viktoriya Kozina ev tikərkən, yaxud təmir zamanı nələrə diqqət olunmasından danışıb.
Busaat.az xəbər verir ki, Kozina təmir-tikinti işləri zamanı mütəxəssislərlə məsləhətləşməyin vacib olduğunu deyib.
O bildirib ki, ilk diqqət edilməli olan şey “yaş zonalar” adlanan yerlərin – yəni, hamam, mətbəx, tualetin qonşuların üzərində yerləşməməsidir:
“Yəni yataq otağında duş quraşdıra və ya tualeti mənzilin bir ucundan digərinə keçirə bilməzsiniz. Bu, mövcud qaydaların pozulmasıdır.
İsti su döşəməsinin quraşdırılmasına diqqətlə yanaşmaq lazımdır. Bağlantı, eləcə də boruların yerləşdiyi ərazilər razılaşdırılmalıdır. Çünki, birincisi, düzgün quraşdırılmalıdır, ikincisi, yüksək keyfiyyətli materiallardan istifadə edərək yaxşı hidroizolyasiya etmək vacibdir. Əks halda, aşağıda olan qonşuları su basma təhlükəsi gözləyir.
İkinci diqqətli yanaşılmalı məsələ qazdır. Qazla işləyən cihazların orijinal yerini dəyişdirmək lazımdırsa, icazə almaq üçün qaz xidmətinə müraciət etmək lazımdır. Avadanlığı yalnız ixtisaslı işçilər quraşdırmalıdır”.
Busaat.az
