Fransanın Rusiyadakı səfiri Pyer Levi Rusiya Xarici İşlər Nazirliyinə (XİN) çağırılıb.
Busaat.az Rusiya mətbuatına istinadən xəbər verir ki, bu barədə Rusiya XİN-in məlumatında deyilir.
Ona Yeni Delhidə keçirilən G20 sammitində Fransa Prezidenti Emmanuel Makron tərəfindən mətbuat konfransına girişi kobud şəkildə qadağan edilmiş iki rusiyalı jurnalistə qarşı Fransa hakimiyyəti nümayəndələrinin ayrı-seçkilik və açıq şəkildə rusofob hərəkətləri ilə bağlı kəskin etiraz bildirilib.
XİN-dən bildirilib ki, Rusiya tərəfi Parisin mətbuat azadlığının fundamental prinsipini açıq-aşkar pozan və onun nümayəndələrinin öz işini görməsinə mane olan qeyri-dost əməllərinə prinsipial qiymət verib.
“Bununla bağlı Fransa səfirinin simasında ölkə hakimiyyətinə etiraz edən KİV-ə qarşı təzyiq və ayrı-seçkilik hərəkətlərini dayandırmaq tələbi ilə müraciət edilib”, – xarici siyasət idarəsinin bəyanatında deyilir.
