“Fransa dünən Azərbaycanın İrandakı səfirliyinə qarşı törədilən və səfirlik əməkdaşının həlak olması və daha iki nəfərin yaralanması ilə nəticələnən hücumu pisləyir”.
“Qafqazinfo” xəbər verir ki, bu barədə məlumatı Fransa Xarici İşlər Nazirliyi yayıb.
Fransa XİN terror aktı zamanı şəhid olan Orxan Əsgərovun ailəsinə başsağlığı verib: “Diplomatik məkanlara və diplomatlara qarşı hər hansı hücum qəbuledilməzdir. İran rəhbərliyini öz ərazilərində olan xarici diplomatların və diplomatik binaların qorunması ilə bağlı məsuliyyətləri çərçivəsində hücumla bağlı məsələnin araşdırılmasına çağırırıq”.
