Bu gün – 17 Oktyabr Füzuli şəhərinin Ermənistan Silahlı Qüvvələrinin işğalından azad edilməsinin ildönümüdür.
Busaat.az xəbər verir ki, Azərbaycan prezidenti, Ali Baş komandan İlham Əliyev 2020-ci 17 Oktyabr tarixində xalqa müraciət edib. Müraciət zamanı Füzuli şəhəri və rayonun daha 7 kəndinin – Qoçəhmədli, Çimən, Cuvarlı, Pirəhmədli, Musabəyli, İşıqlı və Dədəli kəndlərinin işğaldan azad olunduğunu elan edib.
Füzuli əməliyyatı Azərbaycan Ordusunun İkinci Qarabağ müharibəsi zamanı cənub-şərq cəbhəsində baş verən ən əhəmiyyətli döyüşlərdən biri olub. Füzuli rayonu digər yaşayış məntəqələrimizlə yanaşı, erməni işğalı zamanı vandalizmə məruz qalıb. Rayon ərazisində olan evlər, tarixi abidələr tamamilə dağıdılıb, ağaclar məhv edilib.
Qeyd edək ki, artıq Füzuli rayonunda bərpa və yenidənqurma işləri sürətlə davam etdirilir, şəhər ərazisində infrastruktur bərpa edilir. Bunun nəticəsidir ki, 2021-ci il Oktyabrın 26-da Füzuli Beynəlxalq Hava Limanının açılış mərasimi baş tutub. Açılış mərasimində Azərbaycan prezidenti İlham Əliyev və Türkiyə prezidenti Rəcəb Tayyib Ərdoğan iştirak edib.
Busaat.az
