İyirmilik Qrupu (G20) ölkələrindən olan milyarderlərin sərvəti bir il ərzində 16,5% artaraq 15,6 trilyon dollara çatıb.
Busaat.az xəbər verir ki, bu barədə “Oxfam” beynəlxalq xeyriyyə və humanitar təşkilatı məlumat yayıb.
Təşkilatın press-relizində deyilir: “G20 milyarderlərinin cəmi bir ildə yaratdığı sərvət – 2,2 trilyon dollar – 3,8 milyard insanı yoxsulluqdan çıxarmaq üçün kifayətdir”. Sənəddə bunun üçün hər il 1,65 trilyon dollar tələb olunacağı göstərilir”.
Təşkilat xatırladıb ki, bu il G20-yə sədrlik edən Cənubi Afrika hökuməti qeyri-bərabərliyi noyabrın 22-23-də keçiriləcək sammitin əsas mövzusu edib. Cənubi Afrika iqtisadiyyat üzrə Nobel mükafatı laureatı Cozef Stiqlitsin başçılıq etdiyi ekspertlər qrupuna məsələ ilə bağlı hesabat hazırlamaq üçün tapşırıq verib.
“Oxfam” yazır ki, bir iqtisadçı dünyanın bərabərsizliklə bağlı fövqəladə vəziyyətlə üzləşdiyini düşünür.
“Bərabərsizlik şüurlu siyasi seçimdir. Zənginlərin rekord səviyyədə sərvətinə baxmayaraq, ictimai rifah artmır, əksinə azalır, borc yükü isə artır”.
Yeganə
