G20 liderləri çərşənbə günü İndoneziyanın Bali adasında keçirilən sammitdən sonra qəbul etdikləri bəyannamədə nüvə silahından istifadəni qəbuledilməz adlandırıblar.
Busaat.az xəbər verir ki, bəyannamədə deyilir:
“Beynəlxalq hüququ, sülhü və sabitliyi qoruyan çoxtərəfli sistemə riayət etmək vacibdir. Bura Birləşmiş Millətlər Təşkilatının Nizamnaməsində təsbit edilmiş bütün Məqsəd və Prinsiplərin müdafiəsi və beynəlxalq humanitar hüquqa, o cümlədən mülki şəxslərin və silahlı şəraitdə infrastrukturun qorunması daxildir. Nüvə silahından istifadə və ya istifadə hədəsi yolverilməzdir”.
Bəyannaməyə görə: “Münaqişələrin sülh yolu ilə həlli, böhranların həlli üçün səylər, o cümlədən diplomatiya və dialoq həyati əhəmiyyət kəsb edir. Bugünkü dövr müharibə dövrü olmamalıdır.”