Almaniyada yerləşən Yohannes Qutenberq Universitetinin mütəxəssisləri hamiləlik dövründə oruc tutmağın təhlükəli nəticələri barədə araşdırma edib.
Busaat.az xəbər verir ki, araşdırmanın nəticələrinə görə hamiləlik dövründə oruc tutan qadınların uşaqları daha az çəki ilə doğulur.
Ramazan ayında yetkin müsəlmanlar gündüz saatlarında yeməkdən çəkinir. Gün batdıqdan sonra isə yemək yeyir. Gecə yeyilən yeməklərdə sadə karbohidratlar və yağlar üstünlük təşkil edir.
Alimlər Ramazan ayında hamilə qalan 326 qadınla sorğu keçirib.
Nəticədə bu analardan doğulan uşaqların çəkisinin 158 qram az olduğu məlum olub. Əgər qadınlar hamiləliyin ilk trimestrində oruc tutursa yeni doğulan körpənin çəkisi 353 qrama qədər düşür.
Busaat.az
