Dünyada hər 6 yaşlıdan 1-i sonsuzluq problemi ilə üzləşir.
Busaat.az xəbər verir ki, Ümumdünya Səhiyyə Təşkilatının hesabatına görə, dünyada bir çox insan həyatı boyu sonsuzluq problemi yaşayır.
Yetkin əhalinin 17,5 faizi sonsuzluqdan əziyyət çəkir, bu isə, əlverişli və yüksək keyfiyyətli xidmətlərə çıxışın artırılmasının vacibliyini nümayiş etdirir.
Qeyd edilib ki, sonsuzluq qlobal sağlamlıq problemi kimi önə çıxır.
Sonsuzluq səviyyəsinin yüksək gəlirli ölkələrdə yüzdə 17,8, orta və aşağı gəlirli ölkələrdə isə yüzdə 16,5 civarında olduğu bildirilir.
Xəstəliyin diaqnostikası və müalicəsi üçün həll yolları üçün kifayət qədər maliyyə olmadığı görünür. Bir çox insanların yüksək xərclər və sosial stiqma səbəbindən müalicəyə çıxışı yoxdur.
Həmçinin bildirilir ki, sonsuzluq insanların psixi və psixososial rifahına təsir göstərərək, əhəmiyyətli maddi sıxıntıya səbəb ola bilər.
Hesabatda sonsuzluğun qlobal yayılmasının yüksək olduğunu sübut etməklə yanaşı, bir çox ölkələrdə və bəzi bölgələrdə məlumat çatışmazlığının davam etdiyi vurğulanır.
Busaat.az
