“Şəkərlə zəngin və pəhriz lifi olmayan qidalar həzm sistemi üçün ən zərərli məhsullardır. Yəni şirniyyatlar və qablaşdırılmış qidalar, şirələr, həmçinin qırmızı ət və.s bura daxildir”.
Busaat.az xəbər verir ki, bunu tibb elmləri namizədi, dietoloq, kardioloq və “Sağlam Qidalanma” ANO Araşdırma Mərkəzinin icraçı direktoru Svetlana Pavliçenko Gazeta.Ru-ya müsahibəsində deyib.
O bildirib ki, mədə-bağırsaq sistemi üçün ən təhlükəli qidalar müxtəlif kimyəvi maddələr olan dərin emal məhsullarıdır:
“Bağırsaqlarda həll olunan qida lifi bağırsaq divarlarını mexaniki zədələrdən qoruyan qoruyucu selikə çevrilir. Dərin emal məhsullarına qida lifi olmayan, həzm sistemini pozan təmizlənmiş karbohidratlar daxildir.
Şirniyyat və şəkər mədə-bağırsaq traktına zərərlidir. Həddindən artıq bu məhsullarla qidalanmaq bağırsaq mikrobiomunun tarazlığı pozur. Həmçinin şəkər qaraciyərin yağlı degenerasiyasına səbəb olur.
Qazlı içkilər və tərkibində çox miqdarda şəkər olan qablaşdırılmış şirələr mədə üçün təhlükəlidir. İçkilərin tərkibindəki karbon qazı mədə və bağırsağın selikli qişasını qıcıqlandırmaqla yanaşı, mədə-bağırsaqları qıcıqlandırır və köp əmələ gətirir. Əlavə olaraq qırmızı ət də mədə-bağırsaq traktına zərərlidir. Çünki qırmızı ət bağırsağın bədxassəli şişlərinin riskini artırır”.
Busaat.az
