Hökumətlə Milli Məclisin qanunvericilik sahəsində birgə işgüzar fəaliyyəti və əməkdaşlıq münasibətləri bundan sonra da davam etdirilməlidir.
Busaat.az xəbər verir ki, bunu Milli Məclisin bu gün keçirilən plenar iclasında Baş nazir Əli Əsədov deyib.
Baş nazir qeyd edib ki, sentyabrın 20-də “Əsrin müqaviləsi”nin bağlanmasının 30-cu ildönümü qeyd olunub və “Əsrin müqaviləsi” Ulu Öndər Heydər Əliyevin müəllifi olduğu neft strategiyasının təməl daşıdır.
“Məhz bu strategiya Azərbaycanın müstəqilliyini möhkəmləndirdi, onun uzunmüddətli və davamlı iqtisadi inkişafını təmin etdi”.
Bildirib ki, Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilib.
“Və təsadüfi deyil ki, cənab Prezidentin Sərəncamı ilə 2024-cü il “Yaşıl dünya naminə həmrəylik ili” elan edilmişdir.
Bu gün böyük fəxr və qürur hissi ilə qeyd edirik ki, dünyanın ən əhəmiyyətli və irimiqyaslı beynəlxalq mötəbər tədbirlərindən biri olan COP29 Bakıda keçirilib. Və çox yüksək səviyyədə, mükəmməl təşkil olunmaqla regionda ilk dəfə Azərbaycanda baş tutub”.
