İngiltərənin “Mançester Siti” klubunun hücumçusu Erlinq Holann Premyer Liqanın tarixinə düşüb.
Busaat.az-ın “Opta”ya istinadən məlumatına görə, norveçli futbolçu bunu XXI turda “Brayton”a qarşı keçirilən oyunda (1:1) reallaşdırıb.
25 yaşlı futbolçu İngiltərə Premyer Liqasında 35 mininci qolun müəllifi olub. O, 41-ci dəqiqədə penaltidən fərqlənməklə bunu reallaşdırıb.
Turnirdə 30 mininci qolu isə 2021-ci ilin avqustunda “Bernli”nin üzvü Kris Vud vurmuşdu.
Qeyd edək ki, E.Holann cari mövsümdə Premyer Liqada meydana çıxdığı 21 oyunda 20 qola imza atıb. O, hazırda bombardirlər siyahısına başçılıq edir.
