“Laçın yolu dekabrın 12-dən etibarən özünü azərbaycanlı ekoloji fəal adlandıran şəxslər tərəfindən bağlanıb”.
Busaat.az xəbər verir ki, Niderlandın Erməni Təşkilatları Federasiyasının (FAON) məlumatına görə, bu barədə Hollandiyanın xarici işlər naziri Avropa İttifaqının (Aİ) Xarici Əlaqələr Şurasının iclasında parlamentə verdiyi hesabatda deyib.
Məlumata görə, Hollandiyanın xarici işlər naziri və bir sıra digər Avropa İttifaqı ölkələri Qarabağdakı humanitar vəziyyətdən narahat olduqlarını bildiriblər.
Hökumət Laçın yolunun açılması üçün Azərbaycan hakimiyyətinə təsir imkanlarını araşdırır.
Hollandiya Aİ-nin Ermənistandakı mülki missiyasının fəaliyyətini dəstəklədiyini bildirib və bunun asanlaşdırılması yollarını araşdırır.
