İlqar Abbasov Penitensiar Xidmətə rəis gətirilir
Bu barədə jurnalist Samir Feyruzov özünün sosial şəbəkə hesabında məlumat yayıb.
S.Feyruzovun statusunu olduğu kimi təqdim edirik:
“Bildiyiniz kimi, Baş prokuror Kamran Əliyevin müvafiq əmri ilə İlqar Abbasov Bakı Şəhər prokuroru vəzifəsindən azad edildi.
İndicə əldə etdiyim məlumata görə, İlqar Abbasov Penitensiar Xidmətin rəisi vəzifəsinə gətiriləcək.
2016-cı ildən Penitensiar Xidmətin rəisi vəzifəsində işləyən ədliyyə general-leytenantı Ceyhun Həsənov isə tutduğu vəzifədən azad ediləcək.
İ.Abbasovun Penitensiar Xidmətin rəisi vəzifəsinə təyinatı ölkənin oliqarx-məmurlarından birinin ciddi dəstəyi ilə həyata keçirilir. Onun Bakı şəhər prokuroru vəzifəsinə təyinatının gerçəkləşməsində də həmin məmurun müstəsna rolu olmuşdu.
Qeyd edim ki, İ.Abbasov 2017-ci il aprel ayının 26-da keçmiş Baş prokuror Zakir Qaralovun əmri ilə Baş prokuror yanında Korrupsiyaya Qarşı Mübarizə Baş İdarəsinin rəis müavini vəzifəsindən azad edilərək Bakı şəhər prokuroru vəzifəsinə təyin edilmişdi.
Xüsusi qeyd: İ.Abbasova 2014-cü ildə III dərəcəli dövlət ədliyyə müşaviri ali xüsusi rütbəsi (ədliyyə general-mayoru) verilib”.
