Böyük Britaniya hökuməti uşaqlarda piylənmə, yuxu pozğunluğu və narahatlığın qarşısını almaq məqsədilə 16 yaşından kiçik uşaqlara enerji içkilərinin satışını qadağan edəcəyini açıqlayıb.
Busaat.az xəbər verir ki, “Red Bull”, “Monster”, “Relentless” və “Prime” kimi içkiləri əhatə edən qadağa artıq 16 yaşdan kiçik uşaqlara litrində 150 milliqramdan çox kofein olan məhsullar almağa qanuni icazə verməyəcək.
“Coca-Cola”, “Pepsi”, çay və qəhvə kimi aşağı kofeinli içkilər isə istisna edilir. Səhiyyə naziri Wes Streeting məsələ ilə bağlı qeyd edib ki, uşaqların hər gün ikiqat espresso ekvivalentini kofeinlə istehlak etməsi qəbuledilməzdir: “Bu içkilər məsum görünsə də, yuxu rejimini, konsentrasiyanı və sağlamlığı pozur, şəkərli içkilər isə dişlərə zərər verir və piylənməni artırır”.
Yeganə
