iPhone 16 seriyalı smartfonlar Face ID modulunun dizaynında dəyişikliklər alacaq.
Busaat.az xəbər verir ki, bu barədə Tayvanın sənaye nəşri “DigiTimes” məlumat yayıb.
Məlumata görə, Apple bu il ekranaltı Face ID skanerini təqdim etməyi planlaşdırırdı, lakin şirkətin tərəfdaşları lazımi sensorları hazırlamağa vaxt tapmayıblar.
Bununla belə bildirilib ki, şirkətin iPhone 16 modellərində Face ID-ni təkmilləşdirmək üçün başqa planları var.
Dəqiq olaraq hansı dəyişikliklərin tətbiq ediləcəyi və onların biometrik təhlükəsizlik sisteminin işində nəzərəçarpacaq təkmilləşdirmələrə gətirib çıxaracağı göstərilmir.
Ehtimal olunur ki, Apple əvvəlki modellərə nisbətən daha dəqiq və daha sürətli olacaq yeni sensorlardan istifadə edəcək.
Qeyd edək ki, iPhone 16-nın təqdimatı sentyabr ayında baş tutacaq.
Şayiələrə görə, əsas iPhone 16 6,3 düymədək artırılmış ekran və yenilənmiş kamera dizaynı alacaq.
Ariz Həsənoğlu
