“Öz xalqına daxildə zülm edən bir rejim, şübhəsiz ki, xaricdəki dostlarımızı və mütəfiqlərimizi təhdid edəcək”.
Busaat.az xəbər verir ki, bu barədə Böyük Britaniyanın Xarici İşlər naziri Ceyms Kleverli Twitterdə yazıb.
“İran nüvə proqramını daha da genişləndirib. Bu rejimin qlobal təhlükəsizliyə yaratdığı təhlükənin başqa bir sübutudur. Öz xalqına zülm edən bir rejim, şübhəsiz ki, xaricdəki dostlarımızı və müttəfiqlərimizi təhdid edəcək. İran heç vaxt nüvə silahı əldə etməməlidir” – deyə, diplomat söyləyib.
Qeyd edək ki, İran Beynəlxalq Atom Enerjisi Agentliyinin (MAQATE) verdiyi qərara cavab olaraq Forodakı nüvə obyektində uranı 60% saflıqda zənginləşməyə başladığını açıqlayıb.
İngiltərə, Fransa və Almaniya İranın nüvə proqramını daha da genişləndirmək qərarını pisləyib: “İranın bu addımı qlobal nüvə silahlarının yayılmaması çağırışlarına təhdiddir”.
Busaat.az
