İranın Vyanadakı səfiri və beynəlxalq təşkilatlardakı daimi nümayəndəsi Rza Nəcəfi İran və Beynəlxalq Atom Enerjisi Agentliyi (MAQATE) arasında texniki danışıqların üçüncü raundunu elan edib.
Busaat.az xəbər verir ki, bu barədə İranın “Mehr” xəbər agentliyi məlumat yayıb.
Nəcəfinin sözlərinə görə, İran və MAQATE arasında texniki danışıqların üçüncü raundu yeni vəziyyətdə qoruyucu öhdəliklərin həyata keçirilməsi mexanizminin hazırlanması, İsrail və ABŞ-ın İranın nüvə obyektlərinə hücumları fonunda və bu məsələ ilə bağlı parlamentin qəbul etdiyi qanunvericiliyə uyğun olaraq baş tutan görüş cümə və şənbə günləri Vyanada baş tutub. Tərəflər razılaşmanın mətnində yer alan məqamlar ətrafında fikir mübadiləsi aparıblar.
İranın xarici işlər naziri Abbas Əraqçi deyib ki, İran nümayəndə heyəti Vyanada MAQATE nümayəndələri ilə yaxşı görüş keçirib. O, əlavə edib ki, hər iki tərəf ikitərəfli əməkdaşlıq üçün yeni çərçivə əldə etməyə çox yaxındır.
Yeganə
