Tehran qonşu ölkələrin İsrail rejiminin təsiri ilə döyüş meydanına çevrilməsini sevmir.
Busaat.az “Mehr” agentliyinə istinadən xəbər verir ki, bunu İranın Azərbaycandakı səfiri Seyid Abbas Musəvi İran mətbuatına müsahibəsində deyib.
“Qonşu və dost Azərbaycan dövlətinin rəsmiləri ilə apardığımız danışıqlarda sionist rejimin mövcudluğu və təsirinin iqtisadi və mədəni əməkdaşlıq formasında fəsadları barədə açıq şəkildə xəbərdarlıq etmişik. Biz dedik ki, sionist rejim heç vaxt müsəlman dövlətləri və xalqlarının dostu olmayacaq. İslam ölkələri ilə əlaqələrin gücləndirilməsi və normallaşdırılması bu rejimin müsəlman ölkələri arasında təfriqə yaratmaq üçün xüsusi layihəsidir. Onlar bununla Fələstin xalqına və digər müsəlman xalqlarına qarşı cinayətləri davam etdirmək istəyirlər” – deyə, iranlı diplomat qeyd edib.
İranın Azərbaycandakı səfiri əlavə edib: “Əgər sionistlər müsəlmanlarla qonşu ölkələr arasında uçurum yaratmaq üçün İranın qonşuları ilə yaxınlaşmağa çalışsalar, bilməlidirlər ki, bu düzgün yol deyil və mütləq peşman olacaq”.
Busaat.az
