İrəvandakı qondarma “soyqırımı” abidəsi sökülür? – Sensasion iddia

Ermənistan paytaxtında yerləşən qondarma “erməni soyqırımı” memorialı ilə bağlı diqqətçəkən məlumat yayılıb.

Busaat.az Musavat.com-a istinadən xəbər verir ki, sosial şəbəkələrdə və bəzi erməni teleqram kanallarında memorial kompleksində yerləşən əbədi məşələ artıq girişin mümkün olmadığı, ərazidə qəfil “təmir işlərinə” start verildiyi bildirilir.

Maraqlıdır ki, bu təmir prosesi Ermənistan hakimiyyətinin ən güclü türküyönümlü siyasət yürütdüyü dövrə təsadüf edir. Sosial şəbəkələrdə bu, təsadüf kimi deyil, məhz siyasi mesaj xarakterli addım kimi təqdim olunur.

Hazırda rəsmi dairələr mövzu ilə bağlı heç bir açıqlama verməyib. Lakin yayılan iddialar İrəvanda böyük müzakirələrə səbəb olub.