İspaniyadan göndərilən Patriotların xidmət müddəti uzadılıb

Türkiyənin hava hücumundan müdafiəsinə dəstək məqsədilə İspaniyadan göndərilən Patriot raketlərinin xidmət müddəti 2023-cü ilin iyun ayına qədər uzadılıb.

Busaat.az xəbər verir ki, bu barədə Türkiyə Müdafiə Nazirliyindən (MSB) açıqlamaya verilib.

Açıqlamaya görə, İspaniyanın Türkiyənin hava hücumundan müdafiəsinə töhfə vermək üçün göndərdiyi Patriot raketləri 2013-cü ilin yanvarında Adanada yerləşdirilib.

Xidmət müddəti bu ilin sonunda başa çatan raketlərin mandatı 2023-cü ilin iyun ayına qədər uzadılıb. Bildirilib ki, bu müddət İspaniya tərəfindən uzadılıb.

Milli Müdafiə naziri Hulusi Akar müttəfiqlik ruhuna uyğun hərəkət etdiyi üçün və verdiyi dəstəyə görə İspaniyanın Müdafiə naziri Roblesə təşəkkür edib.

Busaat.az