İsrail hakimiyyəti İranla danışıqlardan imtina edib

İsrail hakimiyyəti hazırda İranla vəziyyətin sabitləşdirilməsi ilə bağlı danışıqlarda iştirak etmir.

Busaat.az Bakıvaxtı.az-a istinadən xəbər verir ki, bunu İsrailin müdafiə naziri İsrael Kats bildirib.

“Biz danışıqlar aparmırıq və İsrail vətəndaşlarına ziyan dəyməsinə imkan verməyəcəyik”, – o qeyd edib.

ABŞ-nin İranla bağlı İsrailin hərbi kampaniyasına qoşulub-qoşulmayacağı sualına cavab olaraq Kats ABŞ-ni İsrailə İranın hücumlarından qorunmağa kömək edən “böyük dost” adlandırıb.

“ABŞ Prezidentinin qəbul etdiyi qərarlar yalnız bu ölkənin qərarlarıdır və biz onların hər birinə hörmət edəcək, istənilən yardıma görə minnətdar olacağıq”, – nazir əlavə edib.