İran İslam İnqilabı Keşikçiləri Korpusunun (SEPAH) sözçüsü briqada generalı Əli Məhəmməd Naeini deyib ki, İsrail və onun müttəfiqləri İrana qarşı yeni müharibəyə başlamaq iqtidarında deyil və buna görə də psixoloji təzyiq göstərirlər.
Busaat.az xəbər verir ki, Naeininin sözlərinə görə, İsrail və ABŞ təhlükə hissi yaratmaq üçün psixoloji əməliyyatlar aparır, lakin İran münaqişənin təşəbbüskarı deyil və bundan qorxmur.
General iranlıları sakit olmağa çağırıb:
“Müharibə baş verərsə, qalib gələcəyik və düşməni peşman edəcək çəkindirici qüvvəmiz olacaq. Düşmən yeni müharibəyə başlaya bilməz, lakin ölkəni narahatlıq və gərginlik mühitində saxlamaq istəyir”.
Naeininin sözlərinə görə, İran uğurlu əks əməliyyatlar sayəsində iyunun 24-də ABŞ və İsrailin təcavüzünü dayandıra bilib. O, qeyd edib ki, İsrailin təhlükəsizlik strategiyası iflasa uğrayıb və rejim İranın gücünə yanlış qiymət verib və ilk zərbədən sonra iranlıların təslim olacağına inanıb.
Naeini bildirib ki, münaqişə millətin birliyini, silahlı qüvvələrin gücünü və ölkə rəhbərliyinin effektivliyini nümayiş etdirib:
“Bu 12 günlük təcavüzdən sonra biz daha sabit, birləşmiş və güclü olduq”.
Yeganə
