İsraillilərin düşüncəsi: “Qəzzada günahsız yoxdur”

Araşdırmalara görə, İsrail cəmiyyətinin 76 faizi “Qəzzada günahsız insan yoxdur” fikrini qəbul edir. Bu baxış tarix boyu soyqırımlara yol açan zehniyyətin müasir əksi kimi qiymətləndirilir.

Busaat.az xəbər verir ki, 7 oktyabr 2023-cü ildən bəri İsrailin Qəzzaya barbar hücumları dünyanın indiyədək şahidi olduğu insanlığa qarşı ən ağır cinayətlərdən biri hesab olunur.

Şəhərlər yerlə-yeksan edilib, məscidlər, məktəblər və xəstəxanalar bombalanıb. Uşaqlar acından ölür, xəstəxanalar dərman çatışmazlığından qapılarını bağlamaq məcburiyyətində qalırdılar. Aclıqdan silah kimi istifadə edən İsrail Qəzza xalqını təslim olmağa məcbur etmək üçün hətta yardım karvanlarını da hədəfə alıb. Köçkünlər qida və dərman daşıyan yük maşınlarının yollarını bağlayıb, yardımların aclıqdan əziyyət çəkən mülki insanlara çatmasına mane olub.

Bu gün Qəzza küçələrində əks-səda verən bomba səsləri uşaqların aclıq nidaları və valideynlərin çarəsiz fəryadları ilə müşayiət olunur. Bu vəhşiliyin arasında İsrail cəmiyyətində artan ritorika cinayəti daha da ağırlaşdırır: “Qəzzada heç bir günahsız insan yoxdur”

Son sorğuya görə, israillilərin 76 faizi bu fikirlə qismən və ya tam razıdır. Bu, təkcə indiki soyqırımın ictimai razılıqla körükləndiyini deyil, həm də İsrail cəmiyyətinin öz bəşəri dəyərlərini itirdiyini və məhv olmaq həddinə doğru getdiyini nümayiş etdirir.

Yeganə