İsveçrə bankı Rusiyanın 19 milyard dollardan çox aktivlərini blokladı - KİV

İsveçrənin Credit Suisse bankı Rusiyanın 19 milyard dollardan çox (17,6 milyard İsveçrə frankı) aktivlərini bloklayıb ki, bu da Rusiyanın İsveçrədəki bütün bəyan edilmiş aktivlərinin üçdə birini təşkil edir.

Busaat.az xəbər verir ki, bu barədə məlumatı “SonntagsZeitung” qəzeti yayıb.

Bank tərəfindən bloklanan məbləğin yalnız 4,32 milyardı əvvəllər İsveçrə hakimiyyəti tərəfindən sanksiya siyahısına daxil edilmiş şəxslərə məxsusdur. Qalan 14,7 milyard dollar isə digər ölkələrdə sanksiyalara məruz qalan şəxslərə məxsusdur.

Bundan əlavə, Credit Suisse Rusiya Mərkəzi Bankının vəsaitlərini dondurub. İsveçrə bankının sanksiya tətbiq etdiyi şəxslər siyahısında rusiyalı iş adamı və milyarder Viktor Vekselberq də var.