“İtkin erməni hərbçilərin cəsədlərini meyvə soyuducularında gizlədiblər”

Ermənistanda itkin düşən hərbçilərin ailə üzvləri və qohumları bu gün də aksiya keçiriblər.

Busaat.az “Sputnik Ermənistan”a istinadən xəbər verir ki, İrəvanın mərkəzi Heratsi küçəsini bağlayan etirazçılar hakimiyyət orqanlarının lazımsız səs-küydən qaçmaq üçün hərbçilərin cəsədlərini uzun müddət soyuducuda gizlətdiklərini iddia ediblər.

“İki həftə əvvəl itkin düşmüş hərbçilərin cəsədlərinin meyvə soyuducularında gizlədildiyini öyrəndik”, – deyə etirazçılardan biri, itkin düşmüş hərbçi Arsen Qukasyanın qohumu jurnalistlərə açıqlamasında deyib.

Onun sözlərinə görə, valideynlər meyitlərin soyuducuda saxlanıldığını bilmirdilər: “200-dən çox cəsəd gizli şəkildə Artaşatdakı kimi meyvə soyuducuları da daxil olmaqla müxtəlif yerlərdə saxlanılıb. Uşaqlarımızın cəsədləri yalnız indi ailələrinə təhvil verilir”.

O, bütün itkin düşənlərin yaxınlarını etiraz olaraq onlara qoşulmağa çağırıb:

Qarabağda aparılan əməliyyat-axtarış tədbirləri zamanı morqda olanlardan daha az ölü cəsədi tapıldı. Bu o deməkdir ki, səlahiyyətlilər ölənlərin həqiqi sayını açıqlamaq istəmirlər

Onun sözlərinə görə, etirazçılar hərbçilərin qohumlarının da daxil olduğu dövlət komissiyasının yaradılmasını tələb edirlər.