Xorvatiyalı yarımmüdafiəçi İvan Rakitiç peşəkar futbolçu karyerasını bitirib.
Busaat.az fanat-a istinadən xəbər verir ki, o, 37 yaşında butslarını mıxdan asmaq qərarına gəlib.
Rakitiçin son iş yeri bu mövsüm formasını geyindiyi Xorvatiya “Hayduk”u olub.
Sözügedən futbolçu “Barselona” ilə 4 dəfə La Liqanın, İspaniya Kubokunun və Çempionlar Liqasının qalibi adını qazanıb. Yığmanın heyətində DÇ-2018-in gümüş medalını əldə edən İvan “Sevilya”nın sıralarında 2 dəfə Avropa Liqasının kubokunu başı üzərinə qaldırıb.
