Kadırov Çin dilində müsəlmanlara müraciət etdi: "ABŞ-a qarşı döyüşməyə çağırıram"

Çeçenistan lideri Ramzan Kadırov Telegram kanalında Çin dilində mesaj yayımlayıb.

Busaat.az xəbər verir ki, Kadırov Amerika Birləşmiş Ştatları (ABŞ) və Avropanın son yüz ildə təşkil etdiyi müharibələr, hərbi çevrilişlər və işğallar nəticəsində milyonlarla dinc sakinin həlak olduğunu bildirib.

Kadırovun sözlərinə görə, indi Qərbdən daha dəhşətli təhlükə gəlir: “Onlar bizi asanlıqla manipulyasiya edilə bilən heyvanlara çevirmək istəyirlər”.

Kadırov, “bütün İslam dünyasını və bütün sağlam düşüncəli insanları ümumi düşmənimizə qarşı birləşməyə çağırıram” – deyə, qeyd edib.

O əlavə edib ki, NATO bütün dünyanın varlığını təhdid edir, lakin Rusiya bu şeytana meydan oxuyub.