Serenay Sarıkaya ilə eyni serialda baş rolu canlandıracaq Kıvanç Tatlıtuğdan pis xəbər gəlib. Serialın çəkiliş meydançasında xəstələnən aktyor təcili xəstəxanaya çatdırılıb.
Busaat.az xəbər verir ki, uzun müddət sonra televiziya layihəsində rol alan Serenay Sarıkaya və Kıvanç Tatlıtuğ Ailə serialının çəkilişlərini davam etdirirlər.
Gərgin iş qrafiki olan Tatlıtuğun son vaxtlar çəkiliş meydançasında xəstə olduğu öyrənilib.
TV100-ün xəbərinə görə, Kıvanç Tatlıtuğ bir müddət əvvəl qidadan zəhərlənərək xəstəxanaya yerləşdirilib.
Dünən müalicəsindən sonra özünü yaxşı hiss edərək çəkiliş meydançasına gedən aktyor çəkilişə hazırlaşarkən yenidən xəstələnib. Özünü pis hiss etdiyi üçün çəkiliş ləğv edilib.
Serialın çəkilişlərinin yaxın günlərdə davam edəcəyi öyrənilib.
Busaat.az
