Rusiya Xarici İşlər Nazirliyinin sözçüsü Mariya Zaxarova brifinqdə bildirib ki, Kiyev rejimi çağırış yaşını aşağı salmağa hazırlaşır.
Busaat.az xəbər verir ki, bu barədə “TASS” məlumat yayıb.
“Qərblilərin Kiyev rejiminə kömək etmək üçün verdiyi bütün vədlərdə gizli bir gündəm var. Heç kimə sirr deyil ki, bunun müqabilində həmin Qərb sponsorları Volodimir Zelenskidən Ukraynada səfərbərliyi artırmağı, ilk növbədə, təbii ki, çağırış yaşını azaltmağı tələb edirlər”.
Eyni zamanda, Zaxarovanın sözlərinə görə, avropalılar yeni qaçqın axınının qarşısını almaqdan narahatdırlar:
“Bu məqsədlə bir sıra Avropa ölkələri artıq Ukrayna vətəndaşlarının müvəqqəti müdafiəsi üzrə milli proqramların tədricən geri çəkilməsinə başlayıb və onların sığınacaq almaq şərtlərini sərtləşdirib”, – Zaxarova qeyd edib.
Yeganə
