Gürcüstanın baş naziri İrakli Kobaxidze Gürcüstanda 2008-ci ildə keçirilmiş prezident seçkilərinin nəticələrinin saxtalaşdırıldığını və Mixail Saakaşvilinin legitim prezident olmadığını bildirib.
Busaat.az xəbər verir ki, baş nazir bunu jurnalistlərə açıqlamasında 2008-ci ildə Cənubi Osetiyada silahlı münaqişənin başlaması barədə danışarkən deyib.
Onun sözlərinə görə, Saakaşvili Gürcüstanın nümayəndəsi olmayıb. Kobaxidze onu tamamilə qeyri-legitim dövlət başçısı adlandırıb.
“2008-ci ildə saxtalaşdırma yolu ilə o, qeyri-legitim prezident oldu”, – deyə Gürcüstanın baş naziri qeyd edib.
Kobaxidze əlavə edib ki, Avropa Şurasının qətnaməsində və isveçrəli diplomat Haydi Taqliavininin yekununda 2008-ci ildə hərbi münaqişənin kim tərəfindən başladığında məhz Saakaşvili rejimi göstərilib.
Yeganə
