Belarusun “Dinamo” klubunun Konfrnas Liqasının Liqa mərhələsindəki ev oyunlarını Azərbaycanda keçirəcəyi dəqiqləşib.
Busaat.az UEFA-nın rəsmi saytına istinadən xəbər verir ki, Minsk təmsilçisi 3 ev oyununu Sumqayıtdakı Mehdi Hüseynzadə adına stadionda keçirəcək.
Sumqayıta gələcək komandalar “Kopenhagen” (Danimarka), “Harts” (Şotlandiya) və Şimali İrlandiya təmsilçisi “Larn”dır.
1-ci tur
3 oktyabr
20:45 “Dinamo” (Minsk, Belarus) – “Harts” (Şotlandiya)
4-cü tur
28 noyabr
21:45 “Dinamo” (Minsk, Belarus) – “Kopenhagen” (Danimarka)
5-ci tur
12 dekabr
21:45 “Dinamo” (Minsk, Belarus) – “Larne” (Şimali İrlandiya)
Qeyd edək ki, qarşılaşmalar azarkeşsiz keçiriləcək.
Xatırladaq ki, UEFA Ukraynadakı müharibə ilə əlaqədar Belarus klublarına ev oyunlarını doğma meydanda keçirmək qadağası qoyub. Bu səbəbdən onlar avrokubok matçlarında rəqiblərini neytral meydanda qəbul etməlidirlər.
