“Əl-Nasr”ın portuqaliyalı hücumçusu Kriştiano Ronaldo Ərəb Çempionlar Kubokunun bombardiri kimi “Qızıl buts”u alıb.
Busaat.az xarici mediaya istinadən xəbər verir ki, Ərəb Çempionları Klublar Kubokunun finalında “Əl-Nəsr” “Əl-Hilal”ı 2:1 hesabı ilə məğlub edib. Bu görüşdə Ronaldo dubl hazırlayıb.
Portuqaliyalı hücumçu 6 qolla turnirin bombardiri olub.
“Əl-Hilal”ın serbiyalı yarımmüdafiəçisi Sergey Milinkoviç-Saviç final matçının ən dəyərli oyunçusu olub.
Qeyd edək ki, Ronaldo üçün bu kubok Səudiyyə Ərəbistanına köçdükdən sonra ilk idi.
Portuqaliyalı hücumçu 2023-cü ilin yanvarından “Əl Nəsr”də çıxış edir. Futbolçunun klubla müqaviləsi 2025-ci ilə qədərdir.
“Əl-Nəsr” növbəti matçını Səudiyyə Ərəbistanı çempionatının ilk turunda “Əl-İttifaq”la keçirəcək. Qarşılaşma avqustun 14-də baş tutacaq.
