Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurasının Ermənistana yardım göstərilməsi ilə bağlı layihəsi ümumən razılaşdırılıb.
Busaat.az xəbər verir ki, bu barədə KTMT-nin Baş katibi Stanislav Zas İrəvanda KTMT-nin xarici işlər nazirləri, müdafiə nazirləri və təhlükəsizlik şuraları katiblərinin birgə iclası zamanı bildirib.
“Ermənistanın və digər iştirakçıların sülh sazişinin əldə edilməsi, sərhədlərin qanuni formalaşdırılması və nəqliyyat kommunikasiyalarının açılması istiqamətində səyləri Qafqaz regionunda müsbət rol oynayır. Bu arada Ermənistan-Azərbaycan sərhədində gərginlik müşahidə olunur” – deyə, KTMT rəhbəri bildirib.
Zas bildirib ki, KTMT-nin böhrana cavab mərkəzinin verdiyi məlumatlar Ermənistan-Azərbaycan sərhədində demək olar ki, hər gün atışmaların getdiyini təsdiqləyir. “Buna görə də, Kollektiv Təhlükəsizlik Şurasının üç fövqəladə sessiyasının (may, sentyabr və oktyabr aylarında) müzakirələri Ermənistan üçün yaranan təhlükələrə həsr olunmuşdu. Ümumiyyətlə, Kollektiv Təhlükəsizlik Şurasının KTMT monitorinq missiyasının rəy və tövsiyələri əsasında Ermənistana yardım göstərilməsi üzrə birgə tədbirlər haqqında qərar layihəsi razılaşdırılıb” – deyə, Məlumatda bildirilib.
Busaat.az
