Rusiya Federasiyasının Qarabağda yerləşən sülhməramlı qoşunlarının komandanlığının Laçın dəhlizində Azərbaycan nəzarət-buraxılış məntəqəsinin yaradılmasına razılıq verməsi barədə kütləvi informasiya vasitələrində yayılan məlumatlar dezinformasiyadır.
Busaat.az ARMENPRESS-ə istinadən xəbər verir ki, bu barədə Qarabağdakı seperatçıların sözdə müdafiə nazirliyi məlumat yayıb.
“Sülhməramlı qoşunların məsuliyyət zonasına qadağan olunmuş şəxslərin daxil olmasının qarşısını almaq üçün Rusiya sülhməramlıları Laçın dəhlizinin 1 saylı bazasına daxil olan nəqliyyat vasitələrinə baxış keçirmək üçün müasir cihazların quraşdırılması imkanlarını nəzərdən keçirib. Yüklərə nəzarətin sülhməramlı qüvvələrin mütəxəssisləri tərəfindən həyata keçirilməsi planlaşdırılır. Laçın dəhlizində Azərbaycan sərhəd-keçid məntəqəsinin yaradılması ilə bağlı yayılan xəbərlər yalandır və Ermənistan, Azərbaycan və Rusiya liderlərinin qəbul etdiyi üçtərəfli bəyanatın müddəalarına uyğun gəlmir” – deyə, məlumatda qeyd edilib.
“Biz dezinformasiyaya boyun əyməməyə və yalnız rəsmi xəbərləri izləməyə çağırırıq” – deyə, seperatçı rejim əlavə edib.