Rusiyanın xarici işlər naziri Sergey Lavrov BMT Baş Assambleyasının 78-ci sessiyasında iştirak etmək üçün Nyu-Yorka gəlib.
Busaat.az xəbər verir ki, bu barədə TASS-ın müxbiri məlumat yayıb.
O bildirib ki, nazirin təyyarəsi Moskva ilə Nyu-York arasındakı məsafəni 11 saat 40 dəqiqə qət edib.
Sentyabrın 19-da Nyu-Yorkda BMT Baş Assambleyasının 78-ci sessiyasının Yüksək Səviyyəli Həftəsi açılıb. Ənənəvi olaraq dünyanın müxtəlif ölkələrindən dövlət başçılarını, baş nazirləri, xarici işlər nazirlərini və beynəlxalq təşkilatların nümayəndələrini bir araya gətirir. COVID-19 pandemiyasının başlanğıcından bəri ilk dəfə olaraq Yüksək Səviyyəli Həftə sağlamlıq məhdudiyyətləri olmadan keçiriləcək. İştirakçılar bütün tədbirlərdə şəxsən iştirak etməli olacaqlar və video mesajlara icazə verilməyəcək.
Baş rusiyalı diplomat tədbir çərçivəsində 20-yə yaxın ikitərəfli görüş keçirməyi planlaşdırır. O, həmçinin beynəlxalq təşkilatların yüksək vəzifəli şəxsləri, o cümlədən BMT-nin baş katibi Antonio Quterreşlə görüşəcək. Lavrovun iş qrafiki ilə bağlı əsas hadisə sentyabrın 23-də BMT Baş Assambleyasında çıxışı olacaq.
