“Rusiya üzdə xoş niyyətli rəftar etsə də arxada İran vasitəsilə Azərbaycana təzyiq etməyə çalışır. İran vasitəsilə Azərbaycanın Ermənistana təzyiqlərinin qarşısını almağa çalışır”.
Bunu Rusiya XİN rəhbəri Lavrovun Azərbaycana səfəri haqqında fikirlərini bildirən politoloq Vüqar Qədirov Busaat.az-a açıqlamasında deyib.
O bildirib ki, Lavrovun Azərbaycana səfəri çərçivəsində öz təklifləri var:
“Lavrov Ermənistanı Azərbaycanın əli ilə Rusiyanın orbitinə geri qaytarmaq istəyir. Yəni, Lavrovun xoş niyyətlə gəldiyinə inanmıram. 2020-ci ildən bu yana Rusiyanın xoş niyyətini görmədik. Rusiya birmənalı olaraq post-sovet ölkələrindəki əvvəlki nüfuzunu geri qaytarmaq istəyir. Ukraynaya hücumun pərdəarxasında məhz post-sovet ölkələrində itirilmiş mövqeyi möhkəmləndirmək dayanır. Əgər Ukraynada qalibiyyət olsa idi bütün post-sovet ölkələri könüllü olaraq Rusiyanın bütün tapşırıqlarını yerinə yetirməyə məcbur vəziyyətə düşəcəkdi. Rusiya hazırda Ukraynada böyük bataqlığa düşüb. Bataqlıqdan isə yaxın perspektivdə çıxacağı inandırıcı görünmür. Rusiya son çırpıntılarını edir”.
“Rusiya üzdə xoş niyyətli rəftar etsə də arxada İran vasitəsilə Azərbaycana təzyiq etməyə çalışır. İran vasitəsilə Azərbaycanın Ermənistana hücumlarının qarşısını almağa çalışır. Çünki özü Azərbaycanla münasibətləri korlamaq istəmir. Azərbaycanla münasibətlərin korlanması Rusiya üçün ağır nəticələrə yol aça bilər”, – politoloq əlavə edib.
Ələsgər / Busaat.az
