Fransa prezidenti Emmanuel Makronun reytinqi 2017-ci ildə seçildikdən sonra rekord həddə çatıb.
Busaat.az xəbər verir ki, fransalı respondentlərin yalnız 15%-i Makronun dövlət başçısı kimi fəaliyyətini bəyənir.
Eyni zamanda, 80% ona etibar etmir və sorğu iştirakçılarının daha 5%-i cavab verməkdə çətinlik çəkib.
“Le Figaro Magazine”nin məlumatına görə, siyasətçinin reytinqi 2018-ci ilin qışından da aşağı düşüb. Bu, “sarı jiletlilər” böhranının ən yüksək həddi idi, o zaman fransızların 20%-i Makronun fəaliyyətini bəyənmişdi.
Sorğunun onlayn anket vasitəsilə aparıldığı bildirilir. Burada yaşı 18-dən yuxarı olan 1000 nəfər iştirak edib.
Xatırladaq ki, iyul ayında Fransa prezidentinin reytinqinin 19%-ə düşdüyü bildirilmişdi.
Yeganə
