“Mart-avqust aylarında (maaş + bayram payları + məzuniyyət haqqı) təxminən 20 min manat almışam. Ortalama, aya 3.3 min alınır. Maaşdan başqa gəlirim yoxdur”.
Busaat.az xəbər verir ki, bunu Milli Məclisin deputatı Erkin Qədirli deyib.
E.Qədirli xərclərini də açıqlayıb:
1) 4,000 (çeşidli xeyriyyə işləri – heç birisi hökumətin təşəbbüsü və ya kommersiya layihəsi olmayıb);
2) 2,400 (anamın evində təmir işləri);
3) 1,500 (maşınımı bir neçə dəfə təmirə aparmalı oldum – 13 il sürürəm onu, istər-istəməz orasını-burasını düzəltmək lazım gəlir);
4) 1,000 (saytın qurulmasına verdim – hələ açmamışam);
5) başqa xərclər (komunal, benzin, çeşidli xəbər və analitik saytlarda abunə haqları, ərzaq və s.)
Bu statusun yazıldığı anda maaş kartımda 9,860 manat 59 qəpik var”
Hesabat dövründə heç bir əmlak əldə etməmişəm. Yalnız, doğum günümdə dostlar Çin istehsalı olan 1 smartfon (Xiaomi), 1 kostyum, 1 köynək və 1 qalstuk bağışlayıblar”. (Pravda.az)
