“Mançester Yunayted”in serbiyalı futbolçusu Nemanya Matiç sosial şəbəkədəki paylaşımı ilə Portuqaliya millisinin kapitanı Kriştiano Ronaldoya sataşıb.
Busaat.az xəbər verir ki, 32 yaşlı futbolçu Ronaldonun Serbiya millisi ilə matçda (2:2) sayılmayan təmiz qol epizodunun fotosunu İnstaqram hesabında paylaşıb.
Şəkil topun qapı xəttini hələ keçməyəndə çəkilib. Matiç isə paylaşımına “Mançester Yunayted”dəki portuqaliyalı komanda yoldaşı Bruno Fernandeş və Ronaldonu tağ edərək yazıb: “İndi sizcə, hər şey açıq-aydın deyilmi?”
Qeyd edək ki, matçdan sonra baş hakim Denni Makkeli epizodun videogörüntüsünə baxaraq, Ronaldonun təmiz qolunu saymadığını etiraf edib. O, bu səhvinə görə Portuqaliyadan üzr istəyib.
Qol.az
