Azərbaycanın radio məkanının əsas simalarından olan Media FM yeni layihə ilə dinləyicilərinin görüşünə gəlib.
Bu barədə Busaat.az-a radiodan məlumat verilib.
Məlumata görə, yeni layihə “Şam yeməyi” adı ilə yayımlanır və əyləncə məkanında yeni təcrübə ilə çıxış edəcək.
Media FM (105.5) radiosunda yanvar ayının 30-u efirə başlamış “Şam yeməyi” adlanan yeni proqram hələ 1 həftədir yayımlanmağına baxmayaraq, artıq reytinq qazanıb və insanların diqqətini çəkməyə başlayıb. Şahin Tayfun və Həbib Rüstəmin təqdimatında olan yeni layihə musiqi seçimləri, gedişatı və fərqli mövzularda daha səmimi müzakirələri ilə də seçilir.
Layihə yalnız Azərbaycanda deyil xaricdə yaşayan azərbaycanlılar arasında da böyük maraqla qarşılanıb. Almaniyada, Fransada və s. ölkələrdə yaşayan azərbaycanlılar da efirə qoşulub maraqla dinlədiklərini bildiriblər. Xüsusilə Cənubi Azərbaycandan olan soydaşımızın zəngi diqqət çəkib və duyğusal anların yaşanmasına səbəb olub. Belə ki, soydaşımız verilişi maraqla dinlədiyini dedikdən sonra öz avtomobilində daima Azərbaycan bayrağını daşıdığını bildirib. Bu cümlə proqramın aparıcılarını da təsirləndirib.
Busaat.az
