
Meksikada ilin əvvəlindən 5-ci jurnalist öldürüldü
Meksikada daha bir jurnalist qətlə yetirilib.
Busaat.az “Milenio TV”yə istinadən xəbər verir ki, jurnalist Xeber Lopes Vaskes Meksikanın Oaxaka ştatında avtomobilinə əyləşərkən güllələnib.
Yerli KİV-in məlumatına görə, o, 2019-cu ildə ölüm təhdidləri alıb. Jurnalist siyasətdən və yerli hakimiyyət orqanlarında korrupsiya faktlarından yazırdı.
Lopes Meksikada ilin əvvəlindən qətlə yetirilən 5-ci jurnalistdir. “Articulo 19” insan hüquqları təşkilatının məlumatına görə, 2021-ci ildə Meksikada 7 jurnalist qətlə yetirilib. Bu, digər ölkələr sırasında ən yüksək göstəricidir.























