Milli Şuranın 7 oktyabr “Məhsul” stadionunda keçirdiyi mitinqdə Azərbaycanın əməkdar artisti Ayşad Məmmədov da iştirak edib.
Busaat.az xəbər verir ki, mitinqdə iştirak edən aktyorun oğlu Harun Məmmədov atasının bu hərəkətinə münasibət bildirib. O, münasibətlərinin soyuq olmasına baxmayaraq atasının işdən kənarlaşdırılacağı təqdirdə üzüləcəyini dilə gətirib:
“Atamın müxalifətin mitinqinə qatıldığı xəbərləri oxudum. Mitinqlə bağlı deyə bilərəm ki, mənə maraqlı deyil. Soyuq yanaşıram. Siyasət mənə maraqlı gəlmir. Ayşad Məmmədov əgər həqiqətən işindən uzaqlaşdırılıbsa insan kimi üzülərəm”.
H.Məmmədov atası ilə münasibətlərinin soyuq olmasından da danışıb. O bildirib ki, atası ilə görüşmür:
“Atam mən uşaq ikən anamla boşanıb. Yəni həyatında başqa xanım olub. Ona görə də bizi atıb. Atamla görüşmürük. Maddi cəhətdən gəlirimi anam təmin edib. Aktyorluq fəaliyyətimdə də atamın dəstəyi olmayıb”.
