Moldova komandoları ABŞ kontingenti ilə birgə təlim keçirəcək

Moldova və ABŞ hərbçiləri oktyabrın 25-dən 30-dək ölkə ərazisində “Aurochs Partner” kod adlı birgə təlim keçirəcək.

Busaat.az xəbər verir ki, bu barədə Moldova Müdafiə Nazirliyinin mətbuat xidməti məlumat yayıb.

“Fulger xüsusi batalyonunun, eləcə də ABŞ ordusunun 200-dən çox əsgəri Floresti, Falesti rayonları və Balti şəhərində paraşütlə tullanmalar üzrə təlimlərdə iştirak edəcək”, – məlumatda deyilir.

Qeyd edək ki, bu il Moldova ərazisində yeddi hərbi təlim keçirilib.Ehtiyatda olan hərbçilərin təlimlərinin sayı iki dəfə artıb. Moldova qoşunları xaricdə beş təlimdə iştirak edib.

Natiq Kərimli,
Busaat.az