Müasir qumar MƏRC OYUNLARI: “Psixoloji mərkəzlərə müraciət edənlərin əksəriyyəti qadındır” - SOSİOLOQ

“Evi qazancla təmin edən şəxs bir çox hallarda kişi olduğuna görə psixoloji mərkəzlərə vəziyyətlə bağlı müraciət edənlərin əksrəiyyəti qadındır”.

Bunu mərc oyunlarını qazanc vasitəsi kimi görməyin təhlükəli asılılıq olduğundan danışan sosioloq Sənubər Heydərova Busaat.az-a açıqlamasında deyib.

Psixoloq bildirib ki, asılılığın bir çox formasından əziyət çəkən xeyli şəxs var: “Asılıq dedikdə çox vaxt yadımıza içki və narkotik düşür. Lakin asılılığın bir qolu da qumardır. Mərc oyunları müasir qumar sayılır. Lotoreya oynayanların hər birini asılı şəxs adlandırmaq düzgün yanaşma deyil. Bir çoxunun bu yola düşmə səbəbi maddi sıxıntıdır. Psixoloji müşahidələrə əsasən insanların maddi vəziyəti pisləşdikcə mərc oyunlarına marağın artdığını deyə bilərəm. Bəxtlərinin gətirəcəyinə, möcüzə baş verəcəyinə inanırlar. Mərc oyunları keçirilən yerlərdə vaxtınının çox hissəsini keçirən insan asılıdır. Bu təhlükəli asılılıqdır”.

Psixoloq bu kimi halların insanlara mənfi təsirlərindən danışıb: “Maaşının yarısını müasir qumara qoyan şəxslərin ailəsi gec-tez vəziyyəti anlayır. Psixoloji mərkəzlərə vəziyyətlə bağlı müraciət edənlərin əksəriyyəti qadındır. Çünki evi qazancla təmin edən şəxs bir çox hallarda kişidir. Asılılıqdan qurtulmaq istəyən şəxslərə “12 addım” proqramı vasitəsilə köməklik göstəririk. Bu proqramı keçən şəxs tamamilə asılılıqdan azad olur”.

Busaat.az