“Napoli”nin prezidenti Aurelio De Laurentis komandanın hücumçusu Viktor Osimhenin gələcəyini şərh edib.
Busaat.az xəbər verir ki, bu barədə jurnalist Canluka Di Marzio məlumat yayıb.
“Viktor komanda quran oyunçudur, bunu müzakirə etmək olmaz. Uzatma ilə bağlı heç bir problem yoxdur, “Napoli”də hər kəs xoşbəxtdir. Problemlər gəlir və gedir”, – jurnalist De Laurentisin sözlərindən sitat gətirib.
Daha əvvəl Neapolitan klubunun sosial şəbəkələrində hücumçu ilə bağlı yumoristik videonun yayılmasına görə Osimhen və “Napoli” arasında münaqişə yarandığı məlum olub. Hücumçunun agenti sosial şəbəkələrdə yayımlanan nigeriyalının penaltidən yayındığı videoya görə məhkəməyə müraciət edə biləcəyini deyib.
Bu mövsüm Osimhen “Napoli”nin heyətində bütün yarışlarda 9 oyuna çıxıb, 5 qol vurub və bir məhsuldar ötürmə edib.
