
“Neftçi” “Visla”ya qarşı
Türkiyənin Antalya bölgəsində təlim-məşq toplanışında olan “Neftçi” bu gün ikinci yoxlama oyununa çıxacaq.
Busaat.az xəbər verir ki, Bakı təmsilçisi millimizin futbolçusu Anton Krivotsyukun çıxış etdiyi Polşanın “Visla” (Plotsk) klubu ilə üz-üzə gələcək. Polşanın yüksək liqa təmsilçisinə qarşı matç saat 16:00-da başlayacaq.
Qeyd edək ki, “Neftçi” ilk görüşündə Macarıstan “Kişvarda”sı ilə heç-heçə edib – 2:2.
Əlavə edək ki, “Visla” Polşa çempionatında 29 xalla 6-cı pillədə qərarlaşıb.























