Netanyahu öldürülüb? - İddia

İsrailin baş naziri Benyamin Netanyahunun həlak ola və ya yaralana biləcəyi ilə bağlı iddialar yayılıb.

Busaat.az xəbər verir ki, İsrail baş nazirinin sosial şəbəkələrdə yayımladığı son videodan üç gün, son fotolardan isə təxminən dörd gün keçib.

Halbuki bundan əvvəl Netanyahu ilə bağlı videolar demək olar ki, hər gün, bəzən isə gündə üç dəfə paylaşılıb.

Bəzi İsrail mənbələri də martın 8-nə keçən gecə Netanyahunun evinin ətrafında təhlükəsizliyin gücləndirildiyi, xüsusilə antidron müdafiəsinin artırıldığı barədə məlumat yayıblar.

Bundan başqa, ABŞ prezidentinin kürəkəni Jared Kuşnerin və ABŞ liderinin xüsusi nümayəndəsi Stiv Uitkoffun İsrailə planlaşdırılan səfərinin ləğv edilməsi də bu səbəblə əlaqələndirilir.

Netanyahunun mümkün problemləri ilə bağlı dolayı işarələrdən biri də Yelisey sarayından gəlib.

Rəsmi Paris Fransa prezidenti Emmanuel Makronun İsrailin baş naziri ilə telefon danışığı apardığını bildirib, lakin söhbətin detalları və tarixi açıqlanmayıb.

“Tsarqrad” nəşrinin məlumatına görə, sosial şəbəkələrdə Netanyahunun Kesariyadakı evinin tam dağıdıldığı, orada onun qardaşının öldüyü və baş nazirin isə təhlükədən qorunmaq üçün bunkerdə gizləndiyi barədə versiyalar da yayılıb. /Tasnim

Qeyd edək ki, yayılan iddialar İsrailin “Jerusalem Post” saytı tərəfindən təkzib edilib.

Bildirilib ki, Netanyahu martın 7-də baş nazirin ofisi tərəfindən yayımlanan rəsmi bəyanatla çıxış edib. Bundan əlavə, İsrail hökumətinin əsas portalında onun martın 6-da Beer-Şevada baş vermiş partlayış yerinə baş çəkdiyi qeyd olunub.

Saytda son günlərdə yayılan müstəqil məlumatlarda da onun ictimai fəaliyyəti, o cümlədən Fransa prezidenti Emmanuel Makronla telefon danışığı qeyd olunub. Bu barədə Yelisey sarayı məlumat verib.//News24.az