Netanyahu Qallanta qarşı impiçmenti təxirə saldı

İsraildə baş nazir Benyamin Netanyahunun martın 26-da vəzifəsindən azad ediləcəyi açıqlanan müdafiə naziri Yoav Qallantın “təhlükəsizlik səbəbi ilə” vəzifədən çıxarılmasını təxirə saldığı bildirilib.

Busaat.az xəbər verir ki, bu barədə İsrail İctimai Yayım Korporasiyası (KAN) hökumətə yaxın mənbələrinə istinadən məlumat yayıb.

“Təhlükəsizliklə bağlı problemləri nəzərə alaraq, Netanyahu müdafiə naziri ilə bağlı məsələyə gələcəkdə baxacaq”, – məlumatda deyilir.

Nə baş vermişdi?

Hökumətin məhkəmə islahatları ilə bağlı qərarları xalqın narazılığına səbəb olub. İsrailin müdafiə naziri Yoav Gallant hökuməti ölkədə siyasi böhrana və kütləvi etirazlara səbəb olan mübahisəli məhkəmə islahatlarını dayandırmağa çağırıb:

“Ölkə daxilindəki parçalanma İsrail ordusuna və müdafiəsinə dərindən nüfuz edib. Bu, İsrailin təhlükəsizliyinə açıq və ciddi təhdiddir. Mən buna icazə verməyəcəyəm”.

Qallantın çağırışına onun partiyası olan Likuddan dəstək versə də, onun bəyanatlarından bir gün sonra, martın 26-da baş nazir Netanyahu tərəfindən istefaya göndərildiyi açıqlanmışdı.