“Olimpiakos” “Qarabağı” udsa böyük mükafat alacaq

Yunanıstanın “Olimpiakos” klubunun futbolçuları UEFA Avropa Liqasının ümumi mərhələsinin 8-ci turunda “Qarabağ”a qalib gəlsələr, böyük mükafat alacaqlar.

Yerli SDNA nəşrinin məlumatına görə, bu sözləri Pirey təmsilçisinin prezidenti Evangelos Marinakis ölkə çempionatının 20-ci turunda “Panatinaikos”la oyundan (2:2) sonra komanda ilə söhbəti zamanı deyib.

O, derbidə hakim qərarlarına görə qalib gələ bilmədiklərini qeyd edib: “10 futbolçu ilə də rəqibdən üstün idik, amma bilirsiniz ki, cümə axşamı günü keçiriləcək matç mənim və azarkeşlərimiz üçün çox şey deməkdir “Qarabağ”ı məğlub etsəniz, böyük mükafat alacaqsınız.

Qeyd edək ki, “Olimpiakos” – “Qarabağ” matçı yanvarın 30-da Bakı vaxtı ilə saat 00:00-da baş tutacaq.