Özbəkistanın xarici işlər naziri vəzifəsini icra edən Bəxtiyar Saidov Daşkənddə ABŞ dövlət katibi Antoni Blinkenlə görüşüb.
Busaat.az xəbər verir ki, Saidov bu barədə “Twitter” hesabında açıqlama verib.
O, Blinkenlə görüşü zamanı Özbəkistanın insan resursları potensialının inkişaf etdirilməsi, Mərkəzi Asiyada regional təhlükəsizliyin gücləndirilməsi və digər məsələlər üzrə səylərin birləşdirilməsi barədə razılığa gəldiklərini bildirib.
Saidov, həmçinin qeyd edib ki, ABŞ Özbəkistan Prezidentinin islahatlar prosesində sarsılmaz və hərtərəfli dəstəyini yüksək qiymətləndirir və bu görüşün səmərəli olacağına ümid edir.
Öz növbəsində Özbəkistanda olmaqdan məmnunluğunu ifadə edən Blinken, dünən Astanada həm ikitərəfli, həm də C5+1 formatında ortaq problemlər və məqsədlərlə bağlı danışıqlar apardıqlarını vurğulayıb.
Busaat.az
